شوفو بقي يا جماعة قمة الرومانسية فالحكاية اللي بين الولد و البنت دول:-
الواد راح لصاحبه يحكيلو عن اللي بيحصل معاه...
شوفو اللي قالو بقه!!
هي لازم تفهم اني مش مَدَبّ انا مش مَدَبّ خالص..
انا مش عارف هي جابت الكلام ده كلو منين؟
اهدى بس ايه اللى حصل ؟؟؟؟؟
كل ما اقولها حاجة.... تقولي انا مَدبّ..
حمارة مبتفهمش في المشاعر و لا الاحاسيس
حمارة مبتفهمش في المشاعر و لا الاحاسيس
احكيلي بس طيب فى ايه ؟؟؟؟؟
****
هقوللك ع اللى حصل يا عم فيه ايه
قاعدين في الكافيه على ترابيزة وهي قدامي قولتلها أديني جايبك حتت نضيفة اهه ماروحتيهاش قبل كده !!!!
طلبنا برتقان و موكاوبكلمها يا عم وعمّال اقولها الكلام الكبير بتاع المشاعر و الاحاسيس
و هي غاية في الغباء خالص
****
عمال المّح لها و اقولها انا بتصل بيكي كتير وبكلمك كتير اوي اهوه
و بسأل عليكي لكن مش معنى كده اني مهتم بيكي
انا بعمل كده مع الناس كلهاعلشان انا مهتم بالانسان مش بيكي انتي بس
علشان تفهم اني اجتماعي و هي آخر غباء
****
اقولها انها تخنتى والمفروض تقللى من البيبسي وتبطلى أكل شوية بدل الطفاسة اللي انتى فيها دي
علشان تفهم اني مهتم بيها وبرشاقتها و خايف عليها من كتر الاكلو هي آخر حمورية ........
****
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك....
وخصوصا انك اصلا مش حلوة قوي
علشان تفهم اني باخد بالي من التفاصيل كويس اويودي اللي طالع عليها بتخلّف
****
اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورةعلشان تفهم اني مدبر واقتصادي
و هي آخر جهل,,,,
****
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان ما احنا المرتين الي خرجنا فيهم انااللي صرفت عليكي
علشان تفهم اني جدع معاهاو هي نازل عليها بغباء
****
قعدت تحكي في القراءة والثقافةو انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافيةومطلع على جميع الكتاب و الاصدارات
ولا حياة لمن تنادي
****
دفعنا الشيك و خرجناسيبتها عند الباب ولما قالتلي مش حتوصلني
قلتلها لأءه طبعاسيبتها في الشارع
و ركبت العربية ومشيت
علشان تفهم اني مش مدلوق عليهاحلو لحد كده يا عم؟
*****
*****
عاطفة و اشواق وحب على أبوه من الأصلي
هي دي الرومانسية و لا بلاش
شوف بقي غباوتها اللي جايه
قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
****
كلّمتها وقلتلها الكلمتين
قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسيانتي لازم تعملي اختبار ذكاء.
ههههه......... غباء غريب
دا انا وديتك اماكن ماروحتيهاش وصرفت عليكي
و كلمتلك عن وشك وجسمك يا تخينة..
هههههه
دا احنا مثقفين زي بعض يا بت وبلاش كده
سكتتْ كتيرو قعدت أقول: الو الو الو..
ومحدش ردقفلت واتصلت بيها ومحدش ردوفي الاخر البني آدمة تبعتلي مسج تقولي
انت مدب
مدب
ومبتحسش
انت مدب
مبتفهمش
شفت اخرتها انا مدب انا بنت غبية.. مبتفهمش.. مبتفكرش
شفت اخرتها انا مدب انا بنت غبية.. مبتفهمش.. مبتفكرش
****
في حمورية و غباء كده.. قولي
في حد كده؟؟؟؟؟؟؟؟؟؟؟؟؟؟
ليست هناك تعليقات:
إرسال تعليق